Brauni

Westgold

Brownie

Brauni iki cür olur – kakao ilə yaxud əridilmiş şokoladla hazırlanan. Bu gün təqdim etdiyim resept kakaolu brauni üçündür. Evinizə xəbərsiz qonaq gəlibsə, bu resept imdadınıza çata bilər. Evdə adətən tapılan ərzaqlarla hazırlanan bu brauniləri siz də, qonağınız da bəyənəcək.

Brownie

Brauni

16 ədəd brauni üçün

Ərzaqlar:

Yarım stəkan un (75 qram)
Dörtdə bir çay qaşığı qabartma tozu
Yarım stəkan kakao tozu
Bir çimdik duz
120 qram Westgold kərə yağı
1 stəkan şəkər tozu (200 qram)
2 yumurta
1 çay qaşığl vanil ekstraktı (duru vanil; zəruri deyil amma brauniyə ləzzət qatır)

Hazırlanma Qaydası :

Brownie

Iri qabda un, qabartma tozu, kakao və duzu qarışdırın. Kənara qoyun.

Brownie

Yağı əridib bir qədər soyudun (bir az isti qalmalıdır, amma qaynar olmamalıdır). Şəkər tozunu yağa əlavə edib qaşıqla yaxşıca qarışdırın. Yumurtaları bir-bir bunun üstünə qırıb qarışdırın (mikserlə çalmayın!). Vanil ekstraktınız varsa, əlavə edib yenə qarışdırın.

Davamını oxu

İçi Doldurulmuş “Qarnıyarıq” Badımcan (Karnıyarık)

Turkish "Split Belly" Eggplant

Mənim badımcana olan sevgim! Bu heç vaxt bitməyəcək bir sevgi macərasıdır! Mənim hətta bununla bağlı uşaqlıq “travmam” da var. Mən hətta üstündən bu qədər il keçəndən sonar da onu çox aydın xatırlayıram. Mənim 7, ya 8 yaşım vardı, bəlkə hətta bir az da böyük olardım. Bu Bakıda baş verib. Anam şam yeməyinə badımcan dolması bişirmişdi. Biz masanın ətrafında oturmuduq. Anam hamıya yemək çəkdi. Mən bacımın boşqabına, sonar özümünkünə baxdım və onun boşqabındakı badımcanın mənimkindən bir azca böyük olduğunu görüb əsl “şok” keçirdim!

Mən qəzəblənib ailədə qəbul olunmuş davranış və nəzakət qaydalıarını nəzərə almadan öz güclü narazılığımı bildirdim. “Mən balaca badımacanı yeməyəcəm” dedim. Sonrakı söhbəti xatırlamıram, amma bircə onu xatırlayıram ki, mənim bu üsyanımdan az sonar həyətimizdə (bizim darvazalı həyəti olan balaca evimiz vardı) tək-tənha oturub, o dadlı badımcan dolmasını yemək fürsətini əldən verdiyimə görə hirslənirdim. Artıq badımcanın ölçüsü vacib deyildi. Yadımda deyil, bəlkə sonra mənə içəri girib yeməyimi bitirməyə icazə vermişdilər. Amma indi bu o qədər də vacib deyil.

Turkish "Split Belly" Eggplant

Vacib olansa odur ki, əziz dostlar, mən hələ də başqalarının boşqablarına baxıb onların badımcan dolmasını öz boşqabımda olan dolmayla müqayisə edirəm. Zarafat edirəm. :) Mənim davranışım o vaxtkına baxanda  bir az yaxşılaşıb. Dəyişməyən şey mənim badımcana olan sevgimin sarsılmaz olmasıdır. Xüsusən də bu tərəvəzdən super dadlı bir yemək hazırlananda. Türk yeməyi  karnıyarık kimi.

Adından göründüyü kimi badımcanların qarnını yarıb onları pomidor, bibər, göyərdi və sarımsaqla qarışdırılmış ət içliyi ilə doldururuq.

Bu yemək bizim badımcan dolmasını xatırladır, amma içliyi və hazırlanma qaydası bir az fərqlidir. Mənim türkiyəli qaynanamın bişirdiyi karnıyarık həqiqətən də Türkiyədə gördüyüm bütün karnıyarıkların ən yaxşısıdır. O bu yeməyi bişirməyi mənə də öyrədib. Bu gün onun reseptini sizinlə bölüşürəm. Düşünürəm ki, onu siz də bəyənəcəksiniz.

Davamını oxu

Səhifə 1 - 991234...10...Son »