My Book
Dadlı yemək reseptləri bloqu
Gourmand Best in the World Mükafatının Qalibiyik!

Gourmand Best in the World Award
Nəhayət! Bu xəbəri hardasa bütün dünyaya yaymışdım, amma növbə bloquma çatmırdı ki, çatmırdı. Texniki səbəblərdən bloqumda heç bir şey edə bilmirdim. İndi isə axır ki, sizinlə xoş xəbər paylaşmaq istəyirəm.

IMG_9759

“Pomegranates & Saffron” adlı kitabım Gourmand Best in the World (Dünyada Ən Yaxşı) Mükafatına laiq görüldü! Qaliblər  iyun ayının 9 Çinin Yantai şəhərində keçirilən tədbirdə elan olundu.  Bu sözləri buraya yazarkən belə buna inanmaqda çətinlik çəkirəm. Elə bil bir yuxudur. Bir vaxt ağlıma belə gəlməzdi ki, hansısa ani və bir qədər dəlisov bir ideya məni buralara qədər gətirib çıxardacaq. Mən sadəcə ideyama inanırdım və ortaya maraqlı və gözəl layihə çıxartmaq istədiyimə görə heç bir çətinliyə baxmadan gecə-gündüz işləyirdim.

prestige awards
Mənbə: www.cookbookfair.com

Kitabım Beynəlxalq Münsiflərin Xüsusi Mükafatına (Special Award of the International Jury) laiq görüldü. Nə deyim. Çox xoşbəxtəm və kitabıma dəyər verdiklərinə görə münsiflərə təşəkkür edirəm.  Əslində kitabım Şərqi Avropa yemək kitabları ilə yarışırdı, amma yuxarıda qeyd etdiyim kateqoriya surpriz və xüsusi kateqoriyadır – yalnız tədbir günü açıqlanır. Qaliblərə ikiqat sevinc gətirir.

Bu da tədbirdə iştirak edənlər barədə qısa məlumat lövhəsi.

Gourmand FinalsMənbə: www.cookbookfair.com

Bu isə mənim səhnədə sevinc reaksiyamdır. Nitqimi hazırlamamışdım, hazırlasaydım belə hamısı həyəcandan unutulacaqdı. Amma məni dəstəkləyən hər kəsə təşəkkür etməyi unutmadım. Tək-tək adları çəkmək fürsətim yox idi, amma bilin ki, təşəkkür etdiklərimin arasında siz də var idiniz. Çox sağ olun!

IMG_9752

Gourmand World Cookbook Awards

DAVAMINI OXU

  • Vyana Şokolad Tortu
    Aprel 6, 2015
    Vyana Şokolad Tortu
    Şokolad xoşlayırsınız? Əgər cavabınız müsbətdirsə, onda siz Avstriyanın məşhur Sacher tortunun improvizasiyası olan bu ləziz qlazurlu şokolad tortunu çox bəyənəksiniz. Bu tortun asan tərəfi ondan ibarətdir ki, sadəcə bir ədəd biskvit bişirilir və bişdikdən sonra o, üç hissəyə bölünür. Beləliklə, iki ya üç biskvit bişirməyə ehtiyac olmur. Layların arasına isə adi cem çəkilir. Vyana Şokolad Tortu Dan Lepartın “Short &...
    DAVAMINI OXU
  • Novruz Bayramınız Mübarək!
    Mart 20, 2015
    Novruz Bayramınız Mübarək!
    Novruz bayramınız mübarək, dostlar! Bu bahar hamınıza yalnız gözəl günlər və xoş xəbərlər gətirsin. Evinizdə həmişə ruzi-bərəkət, əminamanlıq və mehribançılıq olsun! —Fəridə...
    DAVAMINI OXU
  • Dulce de Lecheli “Qoz” Peçenyesi
    Mart 3, 2015
    Dulce de Lecheli "Qoz" Peçenyesi
    Içi ləziz karemelləşmiş süd yaxud dulce de leche ilə doldurulmuş qoz peçenyesini kim xoşlamır? Məncə hamı xoşlayır. Çünki o qədər qeyri-adi və ləzzətlidir ki, dadına doymaq olmur. Qoz formasında olmağı isə bu peçenyeni daha da iştahaçıcı edir.  Bu peçenyeni hazırlamaq üçün sizə rusca “oreshnitsa” adlanan qəlib lazımdır. Onu məişət mağazalarında asanlıqla tapmaq olar (mən öz qəlibimi Bakıda alıb Amerikaya gətirmişəm)....
    DAVAMINI OXU
  • Evdə Hazırlanmış Asan Dulce de Leche
    Mart 2, 2015
    Evdə Hazırlanmış Asan Dulce de Leche
    İllər əvvəl, Amerikada dulce de leche (0xu: dulse de leçe) barədə ilk dəfə eşidəndə o mənə çox maraqlı bir şey kimi gəldi, amma onun nə olduğunu hələ bilmirdim. Hərfi tərcüməyə inansaq ispancadan bu süddən hazırlanmış konfet, yaxud süddən hazırlanmış şirni deməkdir. Hmm. Amma bir gün kəşf etdim ki, dulce de leche bizim Azərbaycanda, əslində həm də bütün keçmiş sovet respublikalarında...
    DAVAMINI OXU
  • İdeal Limonlu Tart
    Fevral 20, 2015
    İdeal Limonlu Tart
    Siz mənim Haqqında səhifəmi görmüsünüzsə güman ki, mənim tartla çəkilmiş, güldüyüm, sizi cırnadırammış kimi göründüyüm fotomu görmüsünüz. Əziz dostlarım, həmin o şəkildəki indi haqqında yazacağım limonlu tartdır. Bu tartı 4 il əvvəl foto çəkilişi üçün bişirmişdim. Resepti bloqa qoymağı isə çooox uzun vaxta təxirə salmışdım. O vaxta qədər ki, nə qədər qəribə səslənsə də, bir neçə gün əvvəl “Kosmosdan çağırış...
    DAVAMINI OXU
  • Qatıqlı-Qozlu Çuğundur Salatı
    Fevral 17, 2015
    Qatıqlı-Qozlu Çuğundur Salatı
    Deyin görüm bu bloq yazısının adını oxuyanda ağlınıza nə gəlir? Qoyun mən tapım. Bəlkə, mənim kimi siz də düşünürsünüz ki, bu, super sağlam səslənir? Düz deyirəm? Düşünürəm ki, mən haqlıyam. Sözün əsl mənasında boşqab içində sağlamlıq. Çuğundur, qatıq və qoz. Üstəgəl əlavə təam üçün sarımsaq. Haqqında yazacağım bu salatın içindəki ərzaqların hər biri həm qidalı, həm də çox sağlamdır. Çuğundur?...
    DAVAMINI OXU
  • Kitabım Qalib Seçildi!
    Yanvar 29, 2015
    Kitabım Qalib Seçildi!
    Dostlar, bu yaxınlarda çox gözəl xəbər aldım. Kitabım “Pomegranates & Saffron: A Culinary Journey to Azerbaijan,” Gourmand World Cookbook Awards-un (Dünya Qurman Yemək Kitabı Müsabiqəsi) Qaliblərindən biri oldu! Daha dəqiq desək, kitab bu il Amerikada çap olunmuş Şərqi Avropa mətbəxinə aid kitablar arasında birici oldu. Xəbəri oxuyanda gözlərimə inanmadım. Kitabımı müsabiqəyə təqdim etdiyimdə bilirdim ki, orada böyük və kiçik nəşriyyatlarla mübarizə...
    DAVAMINI OXU
  • Ağcaqayın Siroplu Balqabaq və Pekan Rollu
    Yanvar 26, 2015
    Ağcaqayın Siroplu Balqabaq və Pekan Rollu
    O gün bir dostuma hədiyyə almaq üçün yerli geyim və min bir xırdavat dükanına girdim. Dükandan çıxanda əlimdə iki hədiyyə var idi. Biri dostuma, biri də özümə. Tapın görüm özümə nə almışdım. Cavabı tapmaq çətin deyil. Bəli, yemək kitabı. Mən həmişə paltar və ev əşyaları dükanlarına girəndə o balaca guşələrə nəzər salıram ki, görüm orada mənim üçün təzə bir yemək...
    DAVAMINI OXU
Səhifə 1 - 2311234...10...Son »