Salam dostlar! Sizinlə paylaşacağım gözəl xəbər var. Yeni və maraqlı bir layihəni -AZ Süfrə silsiləsini sizə təqdim edirəm. Bu layihə haqqında çox uzun zamandır düşünürdüm, nəhayət ki, həyata keçirməyin vaxtı gəldi. Yaradıcı düşüncə tərzinə malik dostum Viktoriya maraqlı süfrə dekoru tövsiyyələri ilə bu yeni layihədə mənə kömək edəcək.
Bu virtual layihə çərçivəsində biz süfrələrimizi müxtəlif mərasimlər, bayramlar üçün qeyri-adi şəkildə bəzəyəcəyik, məsləhətlərimizi və müxtəlif süfrələrə bəzək verə biləcək əl işlərimizi paylaşacayıq.
Biz inanırıq ki, gözəl şəkildə bəzədilən süfrə yalnız gözü oxşamır, eyni zamanda ailə üzvlərinizə və qonaqlarınıza xüsusi ovqat bəxş edir. Hər birimiz özümüzü dəyərli hiss etməyə layiq deyilmiyik?
Səhifənin izləyiciləri arasında Amerikalı və Qərbliləri nəzərə alıb, həmçinin ilin sonuna yaxın bayram əhval ruhiyyəsinə uyğun layihəni Milad və Yeni İl bayramları mövzusu ilə başlamaq istərdik. Beləliklə, gəlin bayram ovqatına köklənib, bəzək işlərinə başlayaq! Milad Bayramını, Yeni İli və yaxud digər bayramları keçirənlər təqdim olunan ideyalardan yararlana bilərlər.
Bayram süfrəmizə bir az rəng qataq – qırmızı, qızılı və yaşıldan istifadə edək. Bu isti çalarlar süfrənizə parlaqlıq və zənginlik qatacaq. Yerli firma olan Pier 1 Imports-dan əldə etdiyimiz bu gözəl yarpaq formalı qabları çox bəyənirik-çox göz oxşayırlar.
Şəkildə rəfiqəm Viktoriya iş başındadır (lollipoplarla).
Bəzədilmiş şam ağacı formasında olan salfet-tutanı çox bəyənirəm.
Yuxarıdan görüntü.
Bəzəkli konfet qabı da bayram süfrəsinə yaraşır.
Boş qalan yerləri bir birindən fərqli şamlarla və müxtəlif ölçülü və formalı bayram bəzəkləri ilə bəzəyin.
Salfet-tutan lap yaxından.
Qonaqlarınız üçün əlavə şirin sürpriz – qabların üzərində şokolad. Çox bəyənəcəklər!
Bayram mövzulu qabaltı örtüklər digər aksesuarlar və ümumi rəng çalarlarına uyğundurlar.
Milad mövzulu dekora daha bir sadə əlavə – şəkər çəlikli şam. Uşaqlarınızı da işə cəlb etmək üçün gözəl bir fürsət. Burada süfrəmiz üçün bir nümunə hazırlamaqdayıq.
Bu dekoru hazırlamaq üçün sizə bir ədəd böyük şam, çəlik formasında şəkərlər, rezin, qırmızı lent və qayçı lazım olacaq. Şirniyyatın hər iki uclarından kağızı qoparın, lakin qalanı olduğu kimi qalsın. Rezini şam ətrafına keçirdin. Bütün şirniyyatları şamla rezin arasına doldurun, şamı tam əhatə edənə qədər.
Daha sonra gözəl bir qırmızı lentlə şamı dolayın. Sonda ya rezini kesib atın, ya da lentin altında gizlədin. Sənət əsəriniz hazırdır! Bizimki
Ümidvaram ki, bəyəndiniz! Bəs sizin ən çox sevdiyiniz bayram mövzulu süfrə bəzəkləri hansılardır? Şərhləriniz vasitəsilə bölüşməniz şad olardıq. Bayramlarınız mübarək olsun!
PS: Ardı var.
Nə maraqlı sufrədir. Sonuncu samı və salfetləri lap cox bəyəndimm. Tşəkkurlər Canım..
Baxdiqca baxmaq isteyir insan:)
Salam Feride xanim, Sizin yeni layihenizi cox beyendim. Bu layihenizin de ugurlu ve rengareng olacagina eminem. Size can sagligi uzun omr ve ugurlar arzulayiram. Opurem Sizi
Saytinizi cox beyendim. Xaricde yashayan azerbaycanlilar ucun bu saytin xidmeti xususile boyukdur. Uqurlar gelecek ishinizde.
Superdi, cooox beyendim, ellerinize sagliq
Bayramlariniz da mubarek!
Salam,Feride xanim. Size tewekkur etmek istedim sadece,cox wey oyrenirik sizden,sağolun
Çox sağ olun.
lap acidim)))