Portağallı Ərik Cemi
Evimizin arxasındakı həyətdə böyük ərik ağacı var. Bu həyətimizdəki yeganə ağacdır. Bir neçə il əvvəl bu evə köçdüyümüz zaman ona çox ümid edirdik. Təsəvvürümüzə gətirirdik ki, hər yay ağac əriklə dolu olacaq və biz də sevinə-sevinə onları dərərək səbətə yığacaq, hətta acgözlüklə yeyəcəyik. Lakin qonşuluqdakı bağban deyəndə ki: “Bu ağacı illərdir ki, görürəm və heç vaxt bar verməyib”- xəyallarımız elə bil alt-üst oldu. Çox məyus olmuşduq. Lakin mənə belə gəlirdi ki, hər birimiz öz-özlüyümüzdə hələ də ağacın dadlı,şirin əriklərinin olmasını arzulayırıq. Bir il ağac bar gətirmədi. Lakin bir düşünün növbəti il nə oldu - ağacda çoxlu ərik var idi. Şirin,sulu və ləzzətli əriklər! Və beləliklə ağac ildən-ilə daha çox bar verdi. Bu təbiətin bizə bəxş etdiyi ən gözəl hədiyyəsi idi.
Bu il yenə də ağacımız çoxlu ərik verib. Onları biz həm özümüz yeyir,həm də qapımıza gələnləri qonaq edirik. Daha yumşaq, sulu,şirəli olanlardan mən cem hazırlayıram.Bu il isə hazırladığım ərik ceminə yeni tam əlavə etmişəm- portağal! Portağalı xırda doğrayıb əriklə bişirmişəm. Portağal cemə olduqcə fərqli tam qatıb. Sitrusun xüsusi tamı əriyin şirinliyi ilə çox yaxşı uyğunlaşıb. Həm də o qədər ətirlidir ki!
Portağallı Ərik Cemi
1.5 litrlik cem üçün
Çox yumşaq və yetişmiş əriklərdən istifadə olunmalıdır. Ərikləri doğramağa ehtiyac yoxdur,cem bişən zaman onlar yumşalacaq. Cemə əlavə etmək üçün seçilən portağal da sulu olmalıdır.Daha yaxşı olar ki,nazik qabıqlı və ətirli olsun. Şəkər tozunun miqdarı əriklərin şirinliyinə görə müəyyən edilir,zövqə görə şəkərin miqdarını artıra və ya azalda bilərsiz. Bizim əriklər şirin olduğundan reseptdəki ölçü cemə hazırlamaq üçün tam uyğun gəlir.
Ərzaqlar:
1.5 kq çəyirdəyi çıxarılmış ərik (yarıya ayırıb çəyirdəyi çıxarılmalıdır)
1 kq şəkər tozu
1 ədəd portağal - təxminən 1 fincan - qabığıyla birgə xırda doğranmış portağal (tumları çıxarılmalıdır)
Hazırlanması:
Çəyirdəyi çıxarılmış,yuyulmuş əriklər böyük tavaya tökülür. Meyvələrin üzərinə şəkər tozu əlavə edilir və 2-3 saat kənara qoyulur. Şəkər tozu tamamilə əriyəndə,əriklərin suyu çıxanda üzərinə doğranmış portağal əlavə olunur.
Tava sobanın üzərinə qoyulur. Orta dərəcəli odda, təxminən 2 saat qaynadılır. Qaynayan zaman mütəmadi olaraq tavaya yapışmasın və yanmasın deyə mürəbbə yavaş-yavaş qarışdırılır. Cemin üzərində köpük əmələ gəldikcə kəfgir qaşıqla yığılır. Bişməsinə az qalmış cemin üzərindəki qabarcıqlar daha da qatılaşır,suyu mətləşir. Bu zaman tava ocağın üzərindən götürülür. Otaq tempraturuna gətirildikdən, soyuduqdan sonra cem qaşıqla bankalara yığılır,ağzı bağlanır və sərin yerdə saxlanır.
Populyar
19 Comments Add your own
1. lale | Iyun 11th, 2012 at 11:02 pm
salam feride xanim sizin meslehetlerinizden hemise yararlaniram yeni aile qurmusam ve komeyiniz boyukdu mene. portagalli erik cemini birinci defedi gorurem eminem ki dadlidir mutleq hazirlayacam sizinki kimi alinacaq alinmayacaq bilmirem ama yene de sinayacam yeni reseplerinizi eksik etmeyin
2. natevan | Iyun 12th, 2012 at 1:16 am
Resepte gore cox sag olun.Mende erik murebbesini ve cemini bisirmisem.Bu reseptlede 1 kilo erik cemi yox amma murebbesini bisirerem.
3. Keks | Iyun 12th, 2012 at 3:04 am
maraqlidir. bir-birninden bu qeder ferqli iki meyvenin kombinasiyasini
yoxlamaq maraqli olar. Feride xanim,shekeri fruktoza ile evez etsek yeve eyni cekide istifade etmeliyik?
4. Saida | Iyun 12th, 2012 at 3:34 am
Salam Feride.Ellerin yorulmasın !Yeni bele şey ola bilermi?İndi oturub deyişik bir mürebbe çeşidi bişirmek isteyirdim.Cox teşekkür edirem.O qeder xoşuma geldi ki,hemen gedib alib prob edecem.Hazır olan kimi yazacam.Öpürem.
5. Saida | Iyun 12th, 2012 at 3:51 am
Sualim yadımdan çixdi.Canım, adeten cem bişirilerken eriyin qabiği soyulmur.Amma Sizde cem şeffaf görsenir.Erikin qabiği soyulur?
6. Fəridə | Iyun 12th, 2012 at 8:03 am
KEKS - Fruktoza istifadə etmirəm ona görə dəqiq deyə bilmərəm.
SAİDA - Soyulmur.
7. Saida | Iyun 12th, 2012 at 1:43 pm
Bişirdim.Şekildeki kimi alındı.Cox lezzetlidi.Teşekkür ederim.
8. amina | Iyun 12th, 2012 at 4:55 pm
Salam Feride xanim portagali limonla evez etmek olar?
9. FƏRİDƏ | Iyun 12th, 2012 at 8:11 pm
AMINA - Bu cemə portağal yaraşır, limon acılıq qata bilər.
10. natevan | Iyun 13th, 2012 at 2:22 am
Feride xanim portagalin qabigi soyulur ,yoxsa yox?Baxanda qabigi soyulmamisa oxsayir.Deqiq bilmek isteyirem.
11. Fəridə | Iyun 13th, 2012 at 10:44 am
NATEVAN - Reseptdə yazdığım kimi - qabıq soyulmur. Nazik qabıqlı sulu portağal olmalıdır.
12. Nigar Allahverdiyeva A | Iyun 13th, 2012 at 11:50 pm
Salam Fəride xanim sizə minnətdaram bu qədər aydin izah etdiyiniz üçün. Çox dadli görünür inşaallah bir gün hazirlayaram.
13. Keks | Iyun 14th, 2012 at 12:54 am
Feride xanim,kategoriyalarda yemeklerin hec birinin adi gorsenmir. ne yemeyi oldugunu bilmek ucun gerek acib bir-bir reseptlere baxaq.((
14. Fəridə | Iyun 14th, 2012 at 10:25 am
KEKS - Menyuda RESEPTLƏR bölməsinə baxın, orada istədiyiniz şəkildədir.
15. gunay | Iyun 16th, 2012 at 12:21 am
salam xanimlar.sizden cox xahiw edirem mene qat-qat xemirin hazirlanmasi qaydasini yazardiz da
16. Keks | Iyun 16th, 2012 at 4:11 am
tesekkur edirem Feride xanim. Hec Ana sehifede de gorsenmirdi adlar,amma indi gorurem
17. aytan | Iyun 18th, 2012 at 10:14 am
Fəridə xanım çooooox sağ olun. İlk dəfə idi ki, mürəbbə bişirirdim. Çox yaxşı alındı bu cem. Bir qədər qatı oldu, amma dadı əla idi. Portağal cemə xüsusi dad verir. Təşəkkürlər
18. lili | Iyul 1st, 2012 at 3:17 am
ellerinize sagliq FERIDE XANIM.coooooox gozel gorsenir,indi gedirem bisirem.men sizden cox xahis ederdim ki mene asn basa gelen rulet resepti yazasiniz.tesekkurler.
19. lili | Iyul 2nd, 2012 at 1:27 am
men artiq cemi bisirdim.dadina soz ola bilmez lakin nedense rengi tund oldu.bilmirem niye.mene diye bilersiniz niye nund oldu
Şərh Yaz
Trackback this post | Subscribe to the comments via RSS Feed