Toyuqla Parça-Döşəmə Plov
Parça-döşəmə plov qoyun əti və toyuqla hazırlana bilər. Parça-döşəmənin altında qazmaq olmalıdır, və qazmağın ardından digər ərzaqlar qat-qat qazana yığılmalıdır. Burada gördüyünüz reseptdə isə qazmaq yoxdur - qazmağın yerinə qazanın dibinə toyuq əti döşənir, onun üstündən isə düyü və quru meyvələr. Tələsik Azərbaycan-sayağı bir plov bişirmək istəyirsinizsə, bir qədər asanlaşdırılmış bu parça-döşəmə plovunun resepti sizin lap ürəyinizcə olacaq.
TOYUQLA PARÇA-DÖŞƏMƏ PLOV
4-6 porsiya üçün nəzərdə tutulub
Ərzaqlar
3 stəkan uzun düyü
4 xörək qaşığı ərinmiş kərə yağı
1 stəkan təmizlənmiş şabalıd*
½ stəkan quru ərik
1 stəkan quru gavalı (çəkirdəyini çıxarda bilərsinizsə, məsləhətdir)
½ cup quru İran xurması (çəkirdəyini çıxarda bilərsinizsə, məsləhətdir)
½ stəkan ağ kişmiş
1 kilo kiçik parçalara bölünmüş sümüksüz toyuq əti (istəyə görə sümüklü də ola bilər)
1 ədəd baş soğan - nazik yarımhalqalar şəklində doğrayın
1/3 çay qaşığı zəfəran teli - döyülmüş və 3 xörək qaşığı qaynar suda həll olunmuş
duz
istiot
1. Düyünü təmizləyin, və ilıq suyun altında tez-tez süzə-süzə yaxşıca yuyun. Bu proses zəruridir, çünki su düyüdəkı nişastanı yuyub aparır və bu da düyünün bişdikdən sonra diri qalması və yapışmaması üçün vacibdir.
2. Düyünü ləyənə qoyub, üstünə örtəcək qədər ilıq su tökün. Suya 1 xörək qaşığı duz atın. Kənara qoyun.
3. Digər ərzaqları hazırlayın. Tavada 2 xörək qaşığı yağ qızdırın. Təmizlənmiş şabalıdı yağa əlavə edib təxminən 3 dəqiqə ərzində qızardın. Üstünə ərik, qavalı və xurmanı əlavə edin və 3 dəqiqə də qızardın. Kişmişi də buraya əlavə edib 1 dəqiqə qızardın. Tavanı kənara çəkin.
4. Xüsusi plov qazanına 10 stəkan su və 2 xörək qaşığı duz qoyun (məndə belə qazan olmadığından mən adi altı-yapışmayan - non-stick qazandan istifadə edirəm). Qaynadın. Düyünü süzün və bu suya əlavə edin. Təxminən 7-10 dəqiqə ərzində arada-bir qarışdıraraq bişirin. Düyünün dadına baxın -hazır düyü bir qədər yarımbişmiş qalmalıdır, yumuşaq olmamalıdır. Düyünü süzün və kənara qoyun.
5. Qazanda 1 xörək qaşığı kərə yağı əridin. Toyuq ətini qazanın dibinə bir lay düzün. Üstünə bir az duz və istiot səpin. Toyuğun üstünə bir lay halqavari doğradığınız soğanı düzün. Qazanın qapağını örtmədən, təxminən 5 dəqiqə ərzində orta odda bişirin. Bu müddət ərzində toyuq və soğanın dadı bir birinə qarışacaq, və ikisi də bir qədər yumuşalacaq.
6. Soğan layının üstünə düyünün yarısını tökün. Hazırladığınız quru meyvələri düyünün üstündən bir lay düzün. Qalan düyünü meyvələrin üstünə töküb, plova konusvari şəkil verin. Plovun üstünə 1-2 xörək qaşığı kərə yağə tökün.
7. Qazanın üstünü əvvəlcə çay dəsmalı ilə örtün, onun üstündən isə qapağını qoyun.
8. Plovu vam odda təxminən 30 dəqiqə ərzində bişirin. Sonra qapağını açıb düyünün üstünə zəfəran-şirəsi tökün.
9. Yenidən qapağı örtərək, plovu 30 dəqiqə də vam odda bişirin. Bişmiş plov dənə-dənə olmalıdır, toyuğun altı qızarmalı, soğan isə əriməlidir.
10. İri qaba düyü, üstündən isə quru meyvə və toyuq ətini düzüb plovu süfrəyə verin.
Populyar
21 Comments Add your own
1. Stomatoloq | Aprel 22nd, 2009 at 2:52 pm
Əllərinizə sağlıq. Amma nəsə qazan çox balacadır.
2. Səadət | Aprel 25th, 2009 at 6:56 am
Sabah qonaqlarim var mütləq sinaqdan kecirəcəyəm Hər halda dadli olduguna hec bir şübhəm yoxdur Cox sag olun
3. Fəridə | Aprel 27th, 2009 at 10:01 am
STOMATOLOQ: Sagh olun serhinize gore.
SEADET: Umid edirem ki, qonaqlariniz da siz de plovu beyeneceksiniz. Nush olsun:)
4. TUNZALE*93 | Aprel 29th, 2009 at 10:32 pm
PLOVU COX SEVIREM ,AMMA HAZIRLAYANDA XASIL KIMI OLUR,DEYESEN DUYUNU COX QAYNADIRAM.ELE DEYILMI.AMMA YENEDE DADLI ALINIR
5. sladkayewka | May 4th, 2009 at 12:13 am
DEMEK OLAR KI HAZIRLADIGIM YEMEKLERDEN EN YAXSHI ALINANI PLOVDUR)))))))XOSHUMA GELIR COX SAGOL BU NOVUNUDE YOXLAMISHAM DADLI OLR HEMDE O BIRINDEN ASANDIR
6. VEFA | May 7th, 2009 at 3:25 am
oy oy oy ash menimcun en sevimli yemekdir.bunu bir gun mutleq edecem.cox sag olun
7. AYKA | Avqust 11th, 2009 at 11:41 am
eledi cox sagolun
8. elnara | Sentyabr 2nd, 2009 at 6:11 am
feride xanim reseptler uchun chox sagolun. men azeriyem ama bashqa olkede yashayiram. sizin web saytda olan respetlere uygun yemekleri bishirirem burdaki dostlarimi da qonaq eliyirem chox xoshlari gelir.
9. FƏRİDƏ | Sentyabr 3rd, 2009 at 9:03 am
QIZLAR, serherinize gore cox sagh olun.
10. gülcahan | Sentyabr 4th, 2009 at 1:54 am
Feride xanim, bu reseptlere göre size cox-cox tesekkürler!!
Men yemek bisirmeyin böyük heveskariyam,mütleq bu reseptlerden istifade edecem.
Size uqurlar!!!!!!!
11. govher | Oktyabr 23rd, 2009 at 7:05 am
feride xanim men yeni evliyem ve dadli yemekler bishirmeyi cox isteyirem.xahish etsem mene julyen ve dovganin deqiq reseptini yazardiz
12. LEMAN | Dekabr 18th, 2009 at 3:34 am
ela
13. aynur | Dekabr 25th, 2009 at 2:30 pm
Salam,, Feride Xanim sizden bir xahish,, levengi bisirmeyi öyredin mene,, bir zehmet,, coox sevinerdim,,öpürem,, Caniniz sag olsun,,,,
14. gunay | Fevral 8th, 2010 at 12:03 am
Salam Feride xanim ne yaxsi ki sizin kimi ana bacilarimiz var size derin tesekkurumu bildirirem dunen bu plovu bisirmisem barmaqlarimizi yalamisiq hami beyenib cox sag ol.Eziz bacim zehmet olmasa mene turk kahvesinin duzeltme qaydasini yazardiniz.Sizden bilirsiniz niye raziyam cunki meni intizarda qoymayirsiniz opuldunuz
15. xatire | Mart 16th, 2010 at 4:59 am
salam Feride xanim.sizin sehifenizle meni Fransada yashayan gelinimiz Esmira xanim terifleyerek tanish etdi.ona da teshekkur edirem.toyuqlu plovu bishirdim.super.cox saq olun.bu gunde sizin shagirdinizem.
16. SEVA | Mart 26th, 2010 at 1:18 pm
Feride xanim, sekiller niye görünmür?
17. Məleykə | Aprel 5th, 2010 at 1:30 pm
Fəridə xanım istəyirəm sizə başqa üsulda döşəmə plov sepdi verim bunu ismayıllı zonasında bişirirlər çox dadlı alınır düzdür mən ismayıllıdan deyiləm amma hər il anam Bayram axşamı bu döşəmə plovdan bişirir
Ərzaq: 200qram - albuxara, qaysı, quru alça, ağ rəngdə olur qara xallı lobya adı yadımdan çıxdı, şabalıd, xurma, bollu ləvəngi, 1ədəd hind toyuğu 2,5 kq düyü üçün nəzərdə tutulub bu ərzaqlar
Hazırlanması- hind toyuğu təmizlənir əgər cavandırsa pörtlədilmir gec bişəndirsə yarım saata kimi qaynadın suyunu atmayın suyndan və içalatındanda dadlı şorba alınır
şabalıd təmizlənir ,lobya yarı bişmiş olana kimi qaynadılır,sonra lobya və şabalıda palçıq turşusu (llavaşana turşu) və ləvəngi vurulur bir qədər, qazanın dibinə adı düyüdəndə diblik qazmaq tutmaq olaq ama anaç həmişə yağlı xəmir hazırlayır və sərir qazanın içinə üzərinə qaynanmış düyüdən bir sloy sərir sonra səliqə ilə dösəmək üçün ayrılan ərzaqları yiğir qazqna hind toyuqusinə hissədən kəsilir və yaxşıca turşu və duzlanır istiotu bol vuranda əla olur (zövqə görə) sonra qazanın bir tərəfinə sərilir içərisi bollu ləvəngi ilə doldurulur ətrafındada döşəmə ərzaqlarısonra ya ətin suyu vəya adi su 1st səpin üzərin anam tənzif sərmir yavanlıq plova qarışmasın deyə adi mağazadan alınma lavaş sərir döşəmənin üzərinə oda bişir dadlı olür hə birdə alça şabalıd və lobyaya ləvəngii ilə turşu hökman vurun yoxsa o ləzzəti almazsınız sonra süzülmüş plovu tökün lavaşın üzərinə düyünü biraz ocaqdan tez götürəsiniz çünki düyü dəmdə 2 saata yaxın qalacaq qoy xəşil olmasın sonra qazanı yaş dəsmal üzərinə qoyub 15dəqiqə gözləyin Hind toyuqlu döşəmə plovunuz hazır süfrəyə ətini ayrı və yanındakılarıda ayrı bir buludda plovda həmçinin yağlı xəmir qazmağıda bıçaqla bölun vəssalam Nuş olsun
18. Məleykə | Aprel 5th, 2010 at 1:40 pm
Tələsik yazdığım üçün üçün buraxdığım hərf səhvlərinə görə üzr istəyirəm və resepdə göstərdiyim albuxara, qaysı, quru alça, lobya,şabalıd və xurma bunların hərəsindən 200qram olmalıdır
19. FƏRİDƏ | Aprel 6th, 2010 at 5:28 pm
MƏLEYKƏ: Çox sağ ol reseptə görə. Bu resept məndə var. Hətta kitabıma (bloq deyil, çap olunacaq kitabıma) salınacaq. Oxucularla bu gözəl resepti paylaşdığın üçün çox sağ ol.
20. Məleykə | Aprel 7th, 2010 at 12:08 am
Təşəkkür edirəm sizə yazdığım resepdi oxuduğuz üçün əlbəttə sizin kimi bacarıqlı əlindən zər tökülən xanıma mənım resept yazmağım biraz məqsədəuyqun deyil amma oxucular bu resepdən istifadə edərlər öpürəm sizi Mən sizin çap olunacaq kitabınızı səbirsizliklə gözləyirəm Fəridə xanım mümkünsə kitabın səhifəsində öz şəklinizi də yerləşdirəsiniz çox yaxşı olar sizin gözəl üzünüzü görmək mənim ən böyuk arzumdur
21. reyhan | Aprel 20th, 2010 at 4:15 am
men cox daddli suyudlu as bisirirem demek olarki heftede 2 defe erimin cooooooooooooooox xosuna gelir
Şərh Yaz
Trackback this post | Subscribe to the comments via RSS Feed